Unvíos a tol mundu dende 2,99€

MAXI AREÑES - CD 'Sones del Tiempu Que Nun Foi'

Discu en solitariu de Maxi Areñes, cantante y compositor de Fontoria. L'artista presenta asina esti trabayu:

Na primera selmana de confinamientu, producía pola pandemia vírica, pensé en crear unos temes y recopilalos nun discu al que llamaría “Sones del tiempu que nun foi”, cola sensación de tar viviendo nun tiempu que nun esiste, y nel que les nueses vides sufrieron un radical cambiu.

El discu se compón de 8 temes vocales y un estrumental de 33 menutos, que ye el que lleva el nome xenéricu del trabayu.

Tolos cancios tienen un fortísimu orixe tradicional, con lletres que nel so momentu escribí pa dalgún de los mios llibros de cuentos.

El discu permitióme el poder esperimentar con diferentes estrumentos (un total de 20) a lo llargu de tolos temes y mui especialmente nel estrumental.

La mio compañera y la nuesa fiya mediana sofitáronme en dalgún de los temes prestándo-yos la so voz. Asina mesmu, miembros del grupu Kendra (repartíos pente Euskadi y Asturies) tuvieron a bien grabar conmigo de manera virtual una versión del tema “Canciu a mio pa”, que ya hubiera grabau pal discu de Fontoria (la mio banda del alma).

Esti ye un trabayu producíu enteramente en casa, dende la so composición, pasando pola grabación y tou el procesu de diseñu.

Grabau n’Areñes (Conceyu Piloña - Asturies) a lo llargu de los díes d’un tiempu que nun foi...


En Stock

10
Tipos de artículo
CD
Categorías
Música
Estilu
Canción d`Autor / Nuevu Canciu
Artista
Maxi Areñes
Utilizamos cookies propias y de terceros para mejorar nuestros servicios y mostrarle publicidad relacionada con sus preferencias mediante el análisis de sus hábitos de navegación. Si continua navegando, consideramos que acepta su uso. Puede conocer cómo cambiar la configuración u obtener más información aquí